Am 29.08.2015 isch s'Büuderbuech S'Netti usecho. Es verzöut di wohri Gschicht vor Geiss Netti, wo mänge Summer uf ere Aup im Bärner Oberland het verbrocht und einisch sogar unferhofft zumene Helikopterflug cho isch.
Es isch es Buech zum Verzöue für die Chlyne, gschribe im Oberaargouer Dialäkt, mit ere Übersetzig is Hochdütsche, wo grösseri Ching säuber chöi lääse.
D'Angela Christen, wo das Buech illuschtriert het, isch dennzumou bim Helikoperflug säuber derby gsi.
S'Buech "S'Netti" isch diräkt by der Tochter vor Outorin, by der Druckerei Schürch z'Huttu oder i jeder Buechhandlig unger däm Nummero erhäutlech: ISBN 978-3-9524391-2-8
For English speakers:
An English translation is available.
Para hispanohablantes:
Hay una traducción al español disponible.