wyteri Syte

"I bi e waschächti Oberaargouere, i bi 1925 z'Urschebech gebore, ufgwachse und ou grad blybe. I d'Schueu bin i z'Urschebech u schpöter z'Chlydietu. Aus Oberschueuerli han i d'Mobiumachig erläbt und die nid so schöni Zyt wo noche cho isch.

Zum Schrybe bin i cho, wüu einisch dr Grossbueb gseit het, i söu doch mini Erinnerige ufschrybe, dass me se nid vergäss. Zudäm duuret es mi, wenn i am Verschwinde vo aute liebe Wörter mues zueluege.

Mini Gschichtli si ächt, es si aus Sache, oder Begäbeheite won i säuber erläbt ha. I mine Büecher wet i nochli bau Vergässnigs zruggbhaute, das wär mi Wunsch."